Цагаан сараар хар нулимс дуслуулан сууна гэдэг  манайхны хэлдгээр муу ёр. Гэхдээ үнэндээ бид Д.Нацагдоржийн “Цагаан сар ба нулимс”  нэрт  өгүүллэг дээрх малчин бүсгүй Цэрмаа шиг Дагдан хэмээх төрд зарцлагдан цагаан сар гэх нэрийн дор үнийн хөөрөгдөл гэх ажлын хүнд, ирэх хавартаа яажшуухан амь зуух гэх амьдралын хатууд нухлагдаж явна.

Баяраар хүртэл нулимс гоожих, гоожихдоо бүүр гашуунаар гоождог боллоо. Угтаа Цагаан сар маань өвлийг өнөтэй даваж хавартай золгож буй баяр авч өвлийг өнөтэй давсан  яг хэдэн хүн байна вэ? Яг хэн хаана хаврыг аз жаргалтай угтаж байна вэ?

Өнгөрсөн онд л гэхэд

Монгол улсын   2531 иргэн угаарын хийнд хордож эх сурвалж

Монгол улсын 60000 иргэн гадаадад байнга оршин суухаар гарч эх сурвалж

Монгол улсын 300 мянган ахмад настнууд тэтгэврээ зээлж эх сурвалж

Монгол улсын 1.7 сая иргэн халамж хүртэж эх сурвалж

Монгол улсын 2 сая иргэн ББСБ-т зээл төлж Urult-toim-2024.III-2024.11.14.pdf
Улаанбаатарын иргэд  1 цаг 35 минутыг зөвхөн зам дээр  зарцуулж байна. эх сурвалж

Гэсэн ч иргэд цагаан сараар л өнгөтэй өөдтэй байхын тулд ирэх өдрүүдийн өлмөн зэлмүүн амьдралаа түр мартаад хар нулимсаа нударгаараа нэг шувтраад АМАР БАЙНА аа гэж алд цэнхэр хадаг дэлгэх гэж байна. Үнэндээ луу жилд амар зүйлс цөөн байсан нь

Хамтарсан засгийн газар байгуулах АМАР байв

Иргэдийнхээ үг хэлэх эрхийг боох АМАР байв

Хүмүүсийн жагсаал цуглааныг тараах АМАР байв

Иргэдээ угаартуулан үхүүлэх АМАР байв

Айл болгонд зуух тараах АМАР байв

18 телевизээр төлбөртэй мэдээ цацах л АМАР байв

Уг нь бол Цэрмаа хүүхний адилаар Дагдангийн гэрээс явж өөрийн муу овоохойдоо  санааны дураар босож суун, хийдгээ хийж, амардаг цагтаа амран ажил төрлөө хийхдээ хорьж цагдуулдаггүй, татвар матвар гэж олон зүйлд дарлуулдаггүй, Дагдангийн авгайн өөдөөс хэлэх гэснээ хэлчихдэг, хаа явахаа яаж шуухан амьдрахаа заалгадаггүй, захиалгат мэдээ сэлтээр тархиа угаалгалгүй урдахаа хийж амар жимэр ирэх цагаан сарыг үзэх сэн гэж л  мөрөөдөн суудаг боллоо.

---